Oravontut sto ei esser pusseivel da criticar ed opponer a meinis
politics dominonts, a structuras da reger, ad opiniuns maioritaras sco era a
meinis ed instituziuns etablidas. Ei dat perquei buc in tema che fuss buca
pusseivels da vegnir tractaus u presentaus criticamein els mediums electronics.
In cunfin dat ei mo tier la moda e maniera, co zatgei vegn redigiu e presentau
(PAAF 61.68, pag. 645, PAAF 59.67, pag. 559, PAAF 59.66, pag. 553).
4.4. Tier la valetaziun dad ina emissiun - en vesta a sias pretensiuns tenor
dretg da program - ei la protecziun dil publicum centrala. Perquei eisi indicau
da considerar en tgei direcziun ch’igl effect va (PAAF 62.27, pag. 200;