{"Signatur": "CH_VB_010", "Spider": "CH_VB", "Datum": "2002-06-21", "PDF": {"Datei": "CH_VB/CH_VB_010_JAAC-67-29--_2002-06-21.pdf", "URL": "https://www.amtsdruckschriften.bar.admin.ch/viewOrigDoc/150005954.pdf?ID=150005954", "Checksum": "74bec9dc8e222ca74ae059565ff13b99"}, "Scrapedate": "2026-03-20", "Num": ["JAAC 67.29 \r"], "Kopfzeile": [{"Sprachen": ["de"], "Text": "Verwaltungspraxis der Bundesbehörden (1987-2017) Unabhängige Beschwerdeinstanz für Radio und Fernsehen, UBI 21.06.2002 JAAC 67.29 \r"}, {"Sprachen": ["fr"], "Text": "Jurisprudence des autorités administratives de la Confédération (1987-2017)  Autorité indépendante d’examen des plaintes (radio-télé), AIEP 21.06.2002 JAAC 67.29 \r"}, {"Sprachen": ["it"], "Text": "Giurisprudenza delle autorità amministrative della Confederazione (1987-2017) Autorità indipendente di ricorso in materia radiotelevisiva, AIRR 21.06.2002 JAAC 67.29 \r"}], "Meta": [{"Sprachen": ["de"], "Text": "Eidgenossenschaft Verwaltungspraxis der Bundesbehörden (1987-2017) Unabhängige Beschwerdeinstanz für Radio und Fernsehen, UBI"}, {"Sprachen": ["fr"], "Text": "Conféderation Jurisprudence des autorités administratives de la Confédération (1987-2017)  Autorité indépendante d’examen des plaintes (radio-télé), AIEP"}, {"Sprachen": ["it"], "Text": "Confederazione Giurisprudenza delle autorità amministrative della Confederazione (1987-2017) Autorità indipendente di ricorso in materia radiotelevisiva, AIRR"}, {"Sprachen": ["de", "fr", "it"], "Text": "Autorité indépendante d'examen des plaintes en matière de radio-télévision"}], "ScrapyJob": "446973/70/126", "Zeit UTC": "20.03.2026 01:23:31", "Checksum": "82bd5995ad3909d9d4e0dbd355a7bdb2", "Chunktext": "Estratto della sentenza Giurisprudenza delle autorità amministrative della Confederazione (1987-2017) Autorità indipendente di ricorso in materia radiotelevisiva, AIRR 21.06.2002 JAAC 67.29 \r\n\n 4\nprincipis dalla verdeivladad, transparenza, cumpetenza e dad examinar ils\nfatgs acceptai el rom dallas pusseivladads. Il camond dalla transparenza ei\nmenziunaus explicitamein en art. 4 al. 2 LRTV.\n4.2. Tenor la pratica dall’Instanza ei - ultra dalla valetaziun da singulas\ninformaziuns - era l’impressiun generala decisiva per giudicar in’emissiun u\nina contribuziun en accordanza cun il camond da presentar objectivamein ils\nfatgs (PAAF 62.27, pag. 200, PAAF 58.46, pag. 373; DTF 114 Ib 334, DTF 114 Ib\n343).\n4.3. Art. 93 al. 3 CF, respectivamein art. 5 al. 1 LRTV garanteschan l’autonomia\nda program dil realisader tier la fixaziun dils temas e la fuorma da realisar\nquei ella pratica. Cun l’elecziun dil concept e stil dispona el dad in spazi\nvast (PAAF 61.68, pag. 644, PAAF 60.85, pag. 760, PAAF 56.13, pag. 99). El rom\ndalla incarica da prestar eisi perquei lubiu a mintga realisader da s’occupar\ncriticamein cun ils divers secturs dalla veta statala, societara, culturala e\nreligiusa. Oravontut sto ei esser pusseivel da criticar ed opponer a meinis\npolitics dominonts, a structuras da reger, ad opiniuns maioritaras sco era a\nmeinis ed instituziuns etablidas. Ei dat perquei buc in tema che fuss buca\npusseivels da vegnir tractaus u presentaus criticamein els mediums electronics.\nIn cunfin dat ei mo tier la moda e maniera, co zatgei vegn redigiu e presentau\n(PAAF 61.68, pag. 645, PAAF 59.67, pag. 559, PAAF 59.66, pag. 553).\n4.4. Tier la valetaziun dad ina emissiun - en vesta a sias pretensiuns tenor\ndretg da program - ei la protecziun dil publicum centrala. Perquei eisi indicau\nda considerar en tgei direcziun ch’igl effect va (PAAF 62.27, pag. 200; DTF 119\nIb 166, DTF 119 Ib 169). Da risguardar ein era il caracter ed igl aspect special\ndil gener per propi dad ina emissiun.\n5. Considerond quels principis, eisi da constatar ch’ei setracta tier la novitad\ncriticada d’ina contribuziun, per la quala ils principis d’informaziun dad art. 4\nLRTV e specialmein il camond da presentar objectivamein ils fatgs tenor art. 4\nal. 1 1. construcziun LRTV valan.\n5.1. Il recurrent fa valer che quella sort da substanza, che hagi caschunau\nquels cass mortals, seigi buca vegnida menziunada ell’annunzia. Ei setracti en\nquei cass - abstrahau dad entginas excepziuns - da heroin dalla via. Enstagl\nhagien ins plidau en quella communicaziun da «morts da drogas» e da\n«consum da drogas». Drogas ein denton - secund la gliesta E dil Post da\ncontrolla intercantunal per medicaments («Principis davart las limitas da\nvendita dils medicaments venals en tuttas fachentas», 2. ediziun, cun midadas\ntochen 1968) - medicaments curativs, derivonts da plontas. La materia\nheroin, che fa donn alla sanadad, seigi denton buca cuntenida ella gliesta\nufficiala da drogas dil Post da controlla intercantunal per medicaments. Tier\n«drogas» setracti ei - en contradicziun cun il heroin - buca da mieds narcotics\nscumandai. Cun duvrar la fallida noziun «drogas» ella emissiun da novitads\ncriticada seigi il publicum vegnius menaus en err. L’adversaria al recuors\npretenda perencunter che «droga» hagi el lungatg plidau tut in’autra muntada,\nnumnadamein quella dad esser ina noziun superiura per mieds narcotics. Era\nil «Duden» taxescha «droga» sco sinonim per tissis enivronts.\n5.1.1. La noziun «droga» ei semidada fermamein ils davos decennis.\nQuei vala per biars lungatgs, specialmein era per il tudestg e romontsch\n(cump. pertuccont il svilup da «droga» era las constataziuns declarontas\n\n"}