{"Signatur": "CH_VB_010", "Spider": "CH_VB", "Datum": "2002-06-21", "PDF": {"Datei": "CH_VB/CH_VB_010_JAAC-67-29--_2002-06-21.pdf", "URL": "https://www.amtsdruckschriften.bar.admin.ch/viewOrigDoc/150005954.pdf?ID=150005954", "Checksum": "74bec9dc8e222ca74ae059565ff13b99"}, "Scrapedate": "2026-03-20", "Num": ["JAAC 67.29 \r"], "Kopfzeile": [{"Sprachen": ["de"], "Text": "Verwaltungspraxis der Bundesbehörden (1987-2017) Unabhängige Beschwerdeinstanz für Radio und Fernsehen, UBI 21.06.2002 JAAC 67.29 \r"}, {"Sprachen": ["fr"], "Text": "Jurisprudence des autorités administratives de la Confédération (1987-2017)  Autorité indépendante d’examen des plaintes (radio-télé), AIEP 21.06.2002 JAAC 67.29 \r"}, {"Sprachen": ["it"], "Text": "Giurisprudenza delle autorità amministrative della Confederazione (1987-2017) Autorità indipendente di ricorso in materia radiotelevisiva, AIRR 21.06.2002 JAAC 67.29 \r"}], "Meta": [{"Sprachen": ["de"], "Text": "Eidgenossenschaft Verwaltungspraxis der Bundesbehörden (1987-2017) Unabhängige Beschwerdeinstanz für Radio und Fernsehen, UBI"}, {"Sprachen": ["fr"], "Text": "Conféderation Jurisprudence des autorités administratives de la Confédération (1987-2017)  Autorité indépendante d’examen des plaintes (radio-télé), AIEP"}, {"Sprachen": ["it"], "Text": "Confederazione Giurisprudenza delle autorità amministrative della Confederazione (1987-2017) Autorità indipendente di ricorso in materia radiotelevisiva, AIRR"}, {"Sprachen": ["de", "fr", "it"], "Text": "Autorité indépendante d'examen des plaintes en matière de radio-télévision"}], "ScrapyJob": "446973/70/126", "Zeit UTC": "20.03.2026 01:23:31", "Checksum": "82bd5995ad3909d9d4e0dbd355a7bdb2", "Chunktext": "Estratto della sentenza Giurisprudenza delle autorità amministrative della Confederazione (1987-2017) Autorità indipendente di ricorso in materia radiotelevisiva, AIRR 21.06.2002 JAAC 67.29 \r\n\nA. Ellas novitads dils 27 da schaner 2002, allas 10.00 uras, ha il Radio\nRumantsch emess sco emprema contribuziun la suandonta communicaziun:\n«Il diember da morts da drogas ei s’augmentaus levet igl onn vargau en Svizra.\nIgl onn 2001 ein 197 persunas mortas pervia dil surdiever da drogas, sco ina\nretscherca dall’Agentura AP ha constatau en 26 Cantuns interrogai. Ils pli biars\nmorts da drogas ha ei dau el cantun Turitg, suandaus dils cantuns Sogn Gagl,\nGenevra e Berna.»\nB. Cun sia intervenziun dils 16 d’avrel 2002 (datum dil bul postal) ha X\n(numnaus dad ussa naven: recurrent) recurriu tier l’Instanza da recuors\nindependenta da radio e televisiun (numnada da cheu naven: Instanza)\nencunter l’emissiun numnada. El recloma che la novitad seigi buca stada\ncumpleta ed hagi consequentamein buca possibilitau agl auditori da formar in\nagen meini dils fatgs. Il recurrent fa surtut valer ch’ins hagi plidau da drogas,\nschebein che la raschun per quels cass mortals seigi quasi entiramein il heroin\ndalla qualitad, fatga amogna sin via. Ina droga seigi denton - tenor la gliesta\nE dil Post da controlla intercantunal per medicaments - ina caussa lubida\nch’ins sappi retrer da drogarias. Era il diember da 197 cass mortals, indicai\nell’emissiun criticada, constetti buca, cunquei che la retscherca hagi giu liug\nmo en entginas dils 26 Cantuns. Al recuors ei era vegniu aschuntau il rapport\ndil mediatur.\nC. Enteifer il termin dau per meglierar sia intervenziun ha il recurrent\nprocurau per 20 suttascripziuns da persunas che sustegnan quella.\nD. Applicond art. 64 al. 1 dalla Lescha federala da radio e televisiun dils\n21 da zercladur 1991 (d’ussa naven: LRTV, CS 784.40) ei la Societad svizra\nda radio e televisiun SRG SSR idée suisse (d’ussa naven: SSR, adversaria al\nrecuors) vegnida envidada da prender posiziun. En sia risposta dils 22 d’avrel\n2002 propona ella da refusar il recuors. La reclamaziun criticada sebasi sin\nina novitad tudestga dalla agentura da novitads Associated Press (AP) che\nseigi vegnida translatada correctamein en romontsch cun era indicar la\n\n3\nfontauna. Per la noziun «droga» detti ei el lungatg plidau in auter diever\nche quel ch’il recurrent indicheschi. Tal stetti sco noziun superiura per mieds\nnarcotics. Igl auditori hagi perquei saviu formar siu agen meini a basa dalla\ncommunicaziun intermediada. Dil reminent ei la SSR buca dil meini che la\nretscherca hagi buca risguardau tuts Cantuns. La suletta resalva visavi la\ncommunicaziun dall’Agentura seigi ch’il diember total da morts da drogas\nsavessi aunc crescher, cunquei che las statisticas seigien aunc buca definitivas\nels singuls Cantuns. Quei fatg ei denton buca vegnius preligius ell’emissiun\ncriticada, perquei che novitads ston esser cuortas e pregnantas. Il fatg sco tal,\nch’ei seigi da quintar cun in lev augment dils cass mortals, constetti denton.\n(…)\nL’Instanza da recuors independenta da radio e televisiun\nTrai en consideraziun:\n1. La reclamaziun dil recurrent datescha dils 16 d’avrel 2002 (datum dil\nbul postal), il rapport corrispundent dil mediatur dils 23 da mars 2002. Il\ntermin da 30 dis - per inoltrar in recuors pertuccont il dretg da program - ei pia\nvegnius risguardaus tenor art. 62 al. 1 LRTV.\n2. En art. 63 LRTV vegn circumscret tgi che sa tut recuorer. Leutier ei quel\nd. a. legitimaus ch’ei staus participaus vid la procedura dil mediatur, che\nha silmeins 18 onns, ei burgheis svizzer u vegn digl exteriur ed ha ina\nlubientscha da domicil u dimora ed inoltrescha in recuors, sustenius silmeins\nda 20 ulteriuras persunas che fussen medemamein legitimadas da far recuors,\nsch’ellas fussen sedrizzadas sezzas al post da mediaziun (art. 63 al. 1 let. a\nLRTV; igl aschinumnau dretg popular da recuorer). Cunquei ch’il recurrent\nademplescha quellas prescripziuns e corrispunda sufficientamein alla\nobligaziun da motivar (art. 62 al. 2 LRTV) ein las premissas per in recuors\npopular dadas e l’Instanza sa entrar.\n3. Il recuors definescha igl object criticau e limitescha aschia la cumpetenza\nd’examinaziun tras l’Instanza. Quella ei denton libra tier l’examinaziun\ndil dretg applicabel e buca ligiada vid quei che las partidas han allegau\n(cump. Martin Dumermuth, Rundfunkrecht, in: Schweizerisches\nBundesverwaltungsrecht, Basel/Frankfurt a. M. 1996, nr. 453). Il recurrent\ncritichescha ch’igl auditori hagi buca saviu far in agen meini davart la\nnova derasada ed aschia fa el atgnamein valer ina violaziun dil camond da\npresentar objectivamein ils fatgs tenor art. 4 al. 1 1. construcziun LRTV.\n4. Il camond dalla presentaziun objectiva dils fatgs resorta dil principi dalla\nvasta incarica da prestaziun secund art. 93 al. 2 dalla constituziun federala\ndils 18 d’avrel 1999 (d’ussa naven: CF, CS 101) e vegn dil reminent francaus\nexplicitamein en la davosa construcziun da quella determinaziun.\n4.1. Sin plaun dalla lescha secatta il camond da presentar objectivamein\nils fatgs en art. 4 al. 1 1. construcziun LRTV. En sia pratica ha l’Instanza\ndeduciu ch’il publicum stoppi saver far in maletg fidau davart ina caussa\ned esser stgis da saver formar da sia vart libramein in agen meini (PAAF 62.50,\npag. 459, PAAF 60.24, pag. 183). Ils realisaders han pia da respectar certas\nobligaziuns ed agir cun prudientscha schurnalistica (cump. Dumermuth, cump.\nconsid. 3, nr. 73-84). Tier quellas obligaziuns schurnalisticas s’audan d. a. ils\n\n"}